बुटवल, मंसिर, २६– पश्चिमाञ्चल यातायाल व्यवसायी समिति, बुटवलले आज बुटवलमा रक्तदान कार्यक्रम सम्पन्न गरेको छ । समितिको प्रधान कार्यालय कालिकानगरमा आयोजित कार्यक्रममा २४ युनिट रगत संकलन भएको कार्यक्रमका संयोजक तथा सचिव पंकज राईले जानकारी दिनु भयो ।
नेपाल रेडक्रश सोसाइटी रक्तसंचार केन्द्र बुटवलको प्राविधिक सहयोगमा भएको रक्तदान कार्यक्रमको सुभारम्भ समितिका अध्यक्ष लोकराज पोखरेलले रक्तदान गरेर गर्नु भएको थियो । सो अवसरमा अध्यक्ष पोखरेलले व्यवसायीक हकहितका लागि
काम गर्दै आएको समितिले सामाजिक क्षेत्रमा पनि आफ्नो उपश्थित जनाउनु पर्छ भन्ने मान्यताका साथ रक्तदान कार्यक्रमको आयोजना गरेको बताउनु भयो ।
रक्तदान कार्यक्रमका संयोजक पंकज राईले रक्तदान जिवन दान भन्ने भावनालाई आत्मसाथ गरि रक्तदान कार्यक्रम गरिएको र कार्यक्रममा सहभागि भएर रगत दान गर्ने सबैप्रति आभार व्यक्त गर्नु भयो । रक्तदान गर्ने सबै मानुभावहरुलाई कार्यक्रमका प्रमुख अतिथि रुपन्देही जिल्लाका प्रमुख जिल्ला अधिकारी विष्णुप्रसाद ढकालले प्रमाणपत्र प्रदान गर्नु भएको थियो ।
