पाल्पाको झडेवामा जीप दुर्घटना, चारजनाको मृत्यु

बुटवल, मंशिर ११
पाल्पाको झडेवामा यात्रुबाहक जीप दुर्घटना हुंदा चारजनाको मृत्यु भएको छ २२ जना घाइते भएका छन् । तानसेनबाट शुक्रबार बिहान ८ बजे गोठादीका लागि छुटेको लु १ ज १९२२ नं. को जिप झडेवा–२ देउगिरमा दुर्घटना भएको हो ।
जिप सडकबाट करिब ३ सय मिटर तल खसेको छ । दुर्घटनामा मृत्यु हुनेमा झडेवाका ६४ वर्Èीया रम्भादेवी गाहा, गोठादी ३ बस्ने ७२ वर्Èीय टेकबहादुर लुम्चे र रहवास ६ का खड्गबहादुर सुहान रहेका छन् भने एकजनाको मृतकको सनाखत हुन नसकेको प्रहरीले जनाएको छ ।
दुई बच्चा सहित २२ जना घाइतेलाई उपचारका लागि पाल्पाका विभिन्न अस्पतालमा लगिएको जिल्ला ट्राफिक प्रहरी कार्यालय, पाल्पाका प्रमुख प्रहरी नायब निरीक्षक प्रविन आचार्यले जानकारी दिनुभयो ।