पाल्पामा भएका सडक दुर्घटनामा ३ जनाको मृत्यु २० भन्दा बढी घाईते

बुटवल ९ कार्तिक
पाल्पाको झिरुवासमा विरामी बोकेको जिप दुर्घटना हुदा ३ जना स्थानीयको ज्यान गएको छ भने ६ जना घाइते भएका छन् ।
दुर्घटनामा २ जनाको घटना स्थलमै र एक जनाको उपचारको क्रममा रामपुर अस्पतालमा मृत्यु भएको प्रहरीले जनाएको छ ।
आईतवार राती अबेर भएको दुर्घटनामा परी झिरुवास ६ का १९ बर्षिय गुणराज सिंह ठकुरी र १९ बर्षिय झन बहादुर पाटाको घटनास्थलमा र २३ बर्षिय युवराज खाम्चाको उपचारको क्रममा मृत्यु भएको प्रहरीले जनाएको छ ।
झिरुवासबाट रामपुर तर्फ विरामी बोकेको लु १ ज २६४७ नम्बरको जिप झिरुवास ७ लाकुरीमा कच्ची सडकबाट ५ सय मिटर तल खसेर दुर्घटना भएको प्रहरीले जनाएको छ ।
यता गुल्मीको बलेटक्सारबाट वुटवलका लागी छुटेको लु १ ख ५१८८ नम्बरको बस पाल्पा अर्गली १ कुंडापानीमा दुर्घटना भएको छ । गुडिरहेको बसको ब्रेक फेल भई सडकमै पल्टिदा १५ जना यात्री घाइते भएका छन् ।
उकालोमा चडिरहको बस रोक्नेक्रममा ब्रेक फेल भएपछि व्याक हुंदा पछाडी आउदै गरेको मोटरसाईकललाई ठक्कर दिएर सडकमै पल्टिएको प्रहरीले जनाएको छ ।