सडक दुर्घटनामा २ जनाको ज्यान गयो

बुटवल असोज १७
पुर्व पश्चिम राजमार्ग अन्तर्गत सैनामैनाको कालिकाचोकमा आज सांझ भएको मोटरसाइकल दुर्घटनामा २ जना को मृत्यु भएको छ भने १ को अबस्था गम्भिर रहेको छ ।
पश्चिमबाट पुर्व तर्फ गइरहेको लु ५ प ९६१८ नंबरको मोटरसाइकल र विपरित दिशाबाट आइरहेको लु १ प ४३७७ नंबर को मोटरसाइकल सैनामैना स्थीत कालिकाचोकमा एक आपसमा ठक्कर खादा दुई जनाको ज्यान गएको हो ।
दुर्घटनामा परि गम्भिर घाइते ३ जनालाइ उपचारका लागी लुम्बिनी अञ्चल अस्पताल बुटवल ल्याईएकोमा उपचारकै क्रममा २ जनाको मृत्यु भएको हो ।
दुर्घटनामा मृत्यु हुने मा लु १ प ४३७७ नंबर को मोटरसाइकल चालक कपिलबस्तु ४ का २५ बर्षिय बिक्रम पाण्डेय र लु ५ प ९६१८ नंबरको मोटर साइकल चालक कपिलबस्तु बाढगंगा निवाशी ३५ बर्षिय रुद्ध प्रसाद पोखरेल रहेको इलाका प्रहरी कार्यालय रन्यौराले जनाएको छ ।
लु १ प ४३७७ नंबर को मोटरसाइकलमा सवार मानपकडी १ रुपन्द्येही बस्ने बर्ष २५ की दिल कुमारी चौधरीको अबस्था गम्भिर रहेको इलाका प्रहरी कार्यालय बुटवलले जनाएको छ ।