बुटवल, १० असार ।
सिद्धार्थ राजमार्गको बुटवल पाल्पा खण्ड स्थित सिद्धबाबा नजिकै सडकमा गुडिरहेका बेला भिरबाट खसेको ढुंगाले थिच्दा एक जनाको ज्यान गएको छ ।
स्याङ्गजाबाट बुटवलतर्फ आईरहेको मोटरसाईकलमा सवार बुटवल ५ गोलपार्क निवासी अनिश श्रेष्ठ बुधवार राती माथिबाट खसेको ढुंगाले थिचेपछि सख्त घाईते भएका थिए ।
माथि पट्टिको पहाडबाट खसेको ढुंगाले थिच्दा टाउको र शरिरमा गम्भिर चोट लागेका श्रेष्ठलाई अबेर प्रहरीले उद्धार गरि लुम्बिनी अन्चल अस्पताल पुराइएकोमा अवस्था गम्भिर भएपछि थप उपचारका लागि थप उपचारका लागि भरतपुर रिफर गरिएको थियो ।
भरतपुर अस्पतालमा प्रारम्भिक चरणको अप्रेशन गरिएको भएपनि अर्को अप्रेशनको तयारी भैरहेको अवस्थामा उनको निधन भएको पारिवारिक श्रोतले जनाएको छ ।
