वनभोज खान जाँदा एक स्कुल बसको ढोकाबाट खसेर मिथिला मन्टेश्वरी इंग्लिश बोर्डिंङ्ग स्कूल जनकपुरमा अधययनरत १५ बर्षिय सहमत राइनको महोत्तरीको बर्दिवास नगरपालिका ४ मा मंगलबार मृत्यु भएको छ।
जनकपुरबाट सिन्धुलीको करकरे माइस्थान पिकनिक खान जाँदै गर्दा ना .४ ख. ३५७९ नम्बरको बसको ढोकामा झुन्डिएका राइन खसेका थिए।
इलाका प्रहरी कार्यालय बर्दिबासका प्रहरी निरीक्षक विजय थापाका अनुसार धनुषाको पटेरवा ८ जरहिया टोल घर भएका राइन स्कूलको होस्टलमा बसेर कक्षा ९ मा अध्ययनरत रहेका थिए।
वनभोजका लागि हिडेका करिब ४० जना विद्यार्थी बसमा थिए। राइनको मृत्युपछि सबै बिद्यार्थी बर्दिबासबाटै जनकपुर फर्किएका छन्। बसका चालक चेतबहादर क्षेत्री र बस प्रहरी नियन्त्रणमा रहेको छ।
सेतोपाटीबाट
