चौतारा, चैत ६
सिन्धुपाल्चोकको फुल्पिङकट्टीमा यात्रु बस दुर्घटना हुँदा एक जनाको घटनास्थलमै मृत्यु भएको छ भने २७ जना घाइते भएका छन् ।
मृत्यु हुनेमा वडा– ६ का ५५ वर्षीय रामबहादुर कामी रहेको प्रहरीले जनाएको छ। घाइतेमध्ये १९ जनालाई ललितपुरको बिएन्डबी अस्पताल र अन्यको काभ्रेपलाञ्चोकको धुलिखेल अस्पतालमा उपचार भइरहेको छ।
इलाका प्रहरी कार्यालय बाह्रबिसेका अनुसार काठमाडौँबाट फुल्पिङकट्टी जाँदै गरेको बा१ख ९३४३ नम्बरको यात्रु बस शुक्रबार बेलुका लुपसिङ भन्ने ठाउँमा सडकबाट करिब १०० मिटर तल खसेर दुर्घटना भएको थियो।
कच्ची ग्रामीण सडकमा क्षमताभन्दा बढी यात्रु भएकाले दुर्घटना भएको प्रहरीले जनाएको छ । रासस
