बुटवल चैत्र २९
लुम्बिनी ट्याक्सी तथा भ्यान व्यवसायी संघले नयांवर्षको शुभकामना आदान प्रदान तथा स्वागत कार्यक्रम सम्पन्न गरेको छ ।
संघले सोमबार नयांवर्ष २०७३ सालको शुभकामना आदानप्रदान संगै नेपाल यातायात व्यवसायी राष्ट्रिय महासंघका कार्यवाहक अध्यक्ष डोलनाथ खनाललाई स्वागत गरेको हो ।
संघका अध्यक्ष केशवराज शर्मा पराजुलीले खनाललाई स्वागत गर्दै संघले गरेका कार्यहरुको बारेमा
जानकारी गराउनु भएको थियो ।
अध्यक्ष पराजुलीले रातो प्लेटका निजी सवारी साधनले जथाभावी यात्रु बोक्ने गर्दा व्यवसायीहरुले समस्या भोग्नुपरेको गुनासो गर्नुभयो । महासंघका कार्यवाहक अध्यक्ष खनालले व्यवसाय संचालनमा देखिएको समस्या समाधानको लागि पहल गर्ने बताउनुभयो ।
कार्यक्रममा संघका केन्द्रिय महासचिव सरोज सिटौला, कोषाध्यक्ष सुर्य पौडेल, अञ्चल संयोजक डिल बहादुर ढुंगाना केन्द्रिय सदस्य बिष्णु काफ्ले लगायतले शुभकामना व्यक्त गर्नुभएको थियो । कार्यक्रम सोम खातीको संचालनमा सम्पन्न भएको थियो ।
