भगवती पाण्डे
बुटवल, पुष १९
देवदहमा पूर्व पश्चिम राजमार्ग अन्तर्गत रुपन्देहीको देवदहमा सनिवार राति भएको रात्री बस दुर्घटनामा ६ जनाको ज्यान गएको छ । उक्त दुर्घटनामा परि ४ जना यात्रु गम्भिर घाईते भएका छन् ।
दुर्घटनामा परि मृत्यु हुनेमा भिमदत्त नगरपालिका वडा न) ४ कञ्चनपुरका प्रकाश शाहि ,ताराताल बर्दियाका कुशल शर्मा, बाराका सुरज शाह, देवदह रुपन्देहीकी शान्ति दर्जि र जमुना बिक रहेका छन एक जना पुरुष मृतकको सनाखत हुन नसकेको ईलाका प्रहरी कार्यालय बुटवलका प्रमुख प्रहरी नायव उपरिक्षक महेन्द्र खड्काले बताए ।
सनिवार सांझ ७ बजे नारायणगढबाट नेपालगञ्जका लागि छुटेको ना. ४ ख ६८४१ नं. को उक्त बस राती ९ बजे देवदह नगरपालिका वडा नं. १० घोडाहामा दुर्घटना भएको प्रहरीले जनाएको छ ।
खाली सडकमा तिव्र गतिका कारण अनियन्त्रित भई बस पल्टिएको प्रहरीले जनाएको छ । ३६ जना यात्रु सवार उक्त बसको चालक दुर्घटना पछि फरार रहेको प्रहरीले जनाएको छ ।
दुर्घटनामा गम्भीर घाइते भएका ४ जनालाई लुम्बिनी अञ्चल अस्पतालबाट थप उपचारका लागि भरतपुर पठाईएको प्रहरीले जनाएको छ ।
