नारायण खड्का, दाङ, चैत ११
तुलसीपुर बसपार्कमा पार्किङ गरेर राखेको पुरानो गाडीमा आगो लागेको छ। आगो कसरी लाग्यो भन्ने यकीन भने भइ नसकेको प्रहरीले बताएको छ। बिहीवार दिउँसो पौने ४ बजेतिर आगो लागेपछि त्यहाँ दमकल पुगेर साढे ४ बजेतिर आगो नियन्त्रणमा लिएको हो।
आगो लागेको गाडी दाङ यातायात प्रालिका अध्यक्ष पिताम्वर कँडेलको रहेको खुल्न आएको छ। अध्यक्ष कँडेलले नयाँ प्रालिका गाडीहरु भित्र्याएर संचालनमा ल्याएको एक महिना पनि पुगेको छैन।
ईलाका प्रहरी कार्यालय तुलसीपुरका डिएसपी कृष्ण प्रसाईका अनुसार उक्त गाडी इञ्जिन र टायर निकाएको अवस्थामा वसपार्कको ग्यारेजमा थन्किएको थियो।
