ट्रकको ठक्करबाट एकजनाको मृत्यु

बुटवल, फागुन १८
बुटवल उपमहानगरपालिका वडा नंं. ८ ट्राफिकचोकमा ट्रकको ठक्करबाट मंगलबार एकजनाको मृत्यु भएको छ । गोलपार्कबाट भैरहवा जांदै गरेको ना ५ ख ७७०४ नम्बरको ट्रकले लु. १० प ८४९ नं. को मोटरसाईकललाई दिउसो करिब १२ बजे ठक्कर दिंदा उक्त दुर्घटना भएको हो ।
ट्रकको ठक्करबाट मोटरसाईकल चालक रुपन्देहीको तिलोत्तमा नगरपालिका १३ निवासी २५ वर्षिय अशोक खरेलको मृत्यु भएको पश्चिम क्ष्ँेत्रिय ट्राफिक प्रहरी कार्यालय बुटवलले जनाएको छ ।
उक्त दुर्घटनामा परि मोटरसाईकलको पछाडी बस्ने सोहि ठाउंका २१ वर्षिय युवराज खरेल घाईते भएका छन् ।
मृतक र घाईते दाजुभाई रहेको प्रहरीले जनाएको छ । घाईतेको लुम्बिनी अञ्चल अस्पताल बुटवलमा उपचार भईरहेको प्रहरीले जनाएको छ ।
मोटरसाईकललाई ठकक्कर दिने ट्रक र ट्रक चालकलाई मिलनचोकबाट नियन्त्रणमा लिएको ईलाका प्रहरी कार्यालय बुटवलले जनाएको छ ।