ग्राफिक डिजाईनर अर्यालको सवारी दुर्घटनामा परि मृत्यु

बुटवल, भदौ २७
बुटवलको मिलनचोकमा सञ्चालित युनिभर्सल डिजाईनरका सञ्चालक धनिराम अर्यालको सडक दुर्घटनामा परी निधन भएको छ । दुर्घटनामा परी घाईते बुटवल ६ निवासी अर्यालको उपचारको क्रममा निधन भएको हो ।
शनिबार दिउंसो महेन्द्र राजमार्ग अन्तर्गत बुटवल १४ जीतगढीमा पूर्वबाट पश्चिमतर्फ जांदै गरेको लु.१ ख ८९५१ नम्बर ट्रकले लु.१४ प ४१२२ नम्बर स्कुटरलाई ठक्कर दिंदा धनिराम अर्याल घाईते हुनुभएको थियो ।
लु.१४ प ४१२२ नम्बर स्कुटरमा सवार ३८ वर्षिय अर्यालको उपचारको क्रममा लुम्बिनी अञ्चल अस्पतालमा निधन भएको पश्चिम क्षेत्रीय ट्राफिक कार्यालयले जनाएको छ ।
स्कुटरलाई ठक्कर दिने ट्रक पश्चिम क्षेत्रीय ट्राफिक प्रहरी कार्यालयले नियन्त्रमा लिएको छ भने चालकलाई इलाका प्रहरी कार्यालयले नियन्त्रणमा लिएको छ ।
स्व.अर्यालले बुटवलका विभिन्न पत्रिकाहरुमा लामो समय सेटिङ गर्नुभएको थियो । अर्यालको सामाजिक परम्परा अनुसार आईतबार दाहासंस्कार गरिएको छ ।