१२ भदौ, अर्घाखाँची ।
अर्घाखाँचीमा आइतबार दिउँसो यात्रु बोकेको जीप सडकबाट खस्दा ९ जनाको ज्यान गएको छ भने छ जना घाइते भएका छन्।
अर्घाखाँचीका सहायक प्रमुख जिल्ला अधिकारी चिरन्जिवी घिमिरेका अनुसार सन्धिखर्कबाट प्युठानको बाजीकोट जाँदै गरेको ग १ ज ४८७८ नम्बरको जीप हंसपुर– ५, रतनमारे बजार नजिकै पोष्टापाटको भीरबाट दिउँसो सवा तिनबजेतिर सडकबाट सात सय मिटर तल खसेको हो।
दुर्घटनामा परि ९ जनाको घटनास्थलमै मृत्यु भएको जीपमा १५ जनाभन्दा बढी सवार रहेको इलाका प्रहरी चौकी हंशपुरका सइ श्याम श्रीषले जानकारी दिए ।
घाइतेहरूलाई उपचारका लागि अस्पताल लगिएको र बाँकी कोही यात्रु भए नभएको बारे प्रहरीले खोजी गरिरहेको श्रीषले जानकारी दिए ।
जीप खसेको स्थानमा थोरै उकालो रहेकाले ब्याक भएर खसेको हुनसक्ने अनुमान प्रहरीको छ । यद्यपी दुर्ङटनाको कारण खुलेको छैन ।
प्रहरीले जीप चालक यामवहादुर शिरिसलाई नियन्त्रणमा लिएको छ। चालकले जिपको टायर पम्चर र ब्रेक फेल भएपछि जिप खसेको बयान दिएका छन्।
